Aron Jóhannsson, sem á dögunum skrifaði undir þriggja ára samning við efstu deildar lið Vals í knattspyrnu, var gestur í þættinum 433.is sem verður sýndur var á sjónvarpsstöðinni Hringbraut í gær.
Aron kemur heim eftir tæp ellefu ár í atvinnumennsku en ferill hans hefur verið hreint magnaður. Aron hóf atvinnumannaferil sinn í Danmörku, hann hélt síðan til Hollands, Þýskalands, Svíþjóðar og loks Pólland.
Aron lék með Wereder Bremen í Þýskalandi frá 2015 til 2019 en þar ætlaði hann sér stóra hluti. Þegar Aron var heill heilsu gengu hlutirnir vel fyrir sig en hann var talsvert meiddur
Aron varð í þrígang fyrir nokkuð alvarlegum meiðslum sem héldu honum lengi frá knattspyrnuvellinum. „Það var mjög erfitt en á þeim tíma var þetta bara tekið á hörkunni og ekkert væl. Konan talar ekki vel um þennan tíma er ég var að kljást við þessi meiðsli,“ sagði Aron í þættinum.
Dagarnir á þessu tímabili á knattspyrnuferli Arons voru langir og erfiðir. ,,Þetta var þannig að ég fór á æfingu klukkan átta um morguninn og var að koma heim klukkan fjögur og settist bara í sófann. Talaði ekki við neinn, nennti ekki að fara út og nennti eiginlega ekkert að sinna fjölskyldunni.“
Þegar hann horfir til baka á þennan tíma sér Aron að honum leið ekki alltaf vel. ,,Þegar að maður lítur til baka þá er það alveg augljóst að manni leið ekki vel á þessum tíma.“
Allt viðtalið við Aron má sjá hér að neðan.