Árni Birgisson var rekinn úr starfi sem framkvæmdarstjóri ÍR  undir lok árs 2019. Í dag verður þingfest í Héraðsdómi Reykjavíkur í dag, er Árni grunaður fjárdrátt, umboðssvik og peningaþvætti hjá félaginu.

Fréttablaðið segir frá málinu í blaði sínu í dag

Ákæran er í nokkrum liðum en í þeim fyrsta er Árni ákærður fyrir fjárdrátt með því að hafa í starfi sínu dregið sér samtals 3.161.632 krónur af fjármunum félagsins í fimmtán tilvikum á árunum 2018 og 2019.

Í öðrum ákærulið er Árni ákærður fyrir að nota kreditkort félagsins í heimildarleysi fyrir samtals 1.558.919 krónur. Að lokum Er Árni ákærður fyrir peningaþvætti samkvæmt frétt Fréttablaðins.

Aðalstjórn ÍR samþykkti á fundi sínum þann 6. febrúar 2020 að fela Jóhannesi Bjarna Björnssyni, hæstaréttarlögmanni hjá Landslögum, að leggja fram kæru á hendur Árna, vegna ætlaðrar misnotkunar á reikningum og fjármunum félagsins.

Stjórn félagsins hafði í aðdraganda þess stjórnarfundar rannsakað fjárreiður félagsins vegna gruns um misferli. Grunurinn vaknaði í byrjun vetrar og eftir fyrstu skoðun stjórnar félagsins á fjárreiðum framkvæmdastjóra í nóvember 2019 var haldinn fundur með Árna þann 15. nóvember 2019.