Jack Wilshere hefur ekki enn samið við lið eftir að hann hætti hjá Bournemouth undir lok síðasta tímabilis. Hann hefur æft hjá Arsenal síðan til að halda sér í formi en draumurinn er að spila í MLS.

„Mig langar að fara út fyrir England, auðvitað væri gaman að spila í ensku úrvalsdeildinni en ég á eftir að prófa að fara annað,“ sagði Wilshere í viðtali við Darren Bent á dögunum.

„Ég er að æfa með Arsenal fram í lok janúar og undirbúningstímabil MLS byrjar þá sem ég er mjög spenntur fyrir.“

Þá var hann spurður hvort að hann hefði áhuga á að fara til Flórída og spila fyrir lið David Beckham, Inter Miami en þar eru leikmenn eins og Gonzalo Higuain og Blaise Matuidi.

„Oh það væri æðislegt,“ svaraði Wilshere að lokum.