Atletico Madrid og Real Sociedad áttust við í spænsku deildinni og lauk leiknum með 2-2 jafntefli.
Alexander Sorloth kom Real Sociedad yfir snemma leiks og þannig stóðu leikar í hálfleik en leikmenn Atletico Madrid voru afar ósannfærandi.
Alexander Isak tvöfaldaði forystu gestanna snemma í seinni hálfleik. Þá vöknuðu heimamenn til lífsins, Luis Suarez minnkaði muninn fyrir heimamenn á 61. mínútu með skalla og jafnaði rúmu korteri síðar úr vítaspyrnu. Þetta er í annað skipti í vikunni sem Atletico kemur til baka eftir að hafa lent 2-0 undir á heimavelli. Ekki voru fleiri mörk skoruð og liðin skipta því stigunum á milli sín.
Atletico er í 4. sæti með 18 stig en Real Sociedad er á toppi deildarinnar með 21 stig.
Atletico Madrid – Real Sociedad
0-1 Alexander Sorloth (´7)
0-2 Alexander Isak (´48)
1-2 Luis Suárez (´61)
2-2 Luis Suárez (´77)