Stórleiknum á Spáni, El Clásico, var að ljúka rétt í þessu með 1-2 sigri Real Madrid.
Real Madrid var sterkara liðið í fyrri hálfleik, voru hættulegir í skyndisóknum og vörðust vel. David Alaba braut ísinn á 33. mínútu leiksins með frábæru marki. Gestirnir leiddu 0-1 þegar flautað var til hálfleiks.
Í seinni hálfleik var jafnræði á milli liðanna, bæði lið lögðu áherslu á varnarleikinn og lítið var um opin færi þar til í uppbótartíma er Lucas Vázquez tvöfaldaði forystu gestanna og stuttu síðar minnkaði Aguero muninn. Þar við sat og 1-2 sigur Real Madrid staðreynd.
Real Madrid er á toppi deildarinnar með 20 stig, líkt og Sevilla og Real Sociedad en betri markatölu. Barcelona er í 8. sæti deildarinnar með 15 stig.
Barcelona 1 – 2 Real Madrid
0-1 David Alaba (´32)
0-2 Lucas Vázquez (´90+4)
1-2 Aguero (´97)