Thierry Henry hefur spilað með nokkrum af bestu fótboltamönnum allra tíma. Hann spilaði til dæmis með Lionel Messi hjá Barcelona og Zinedine Zidane hjá franska landsliðinu.
Þegar Henry var spurður að því hvaða leikmaður sem hann hefur spilað með er sá besti var hann fljótur að svara og valdi hann fyrrum liðsfélaga sinn hjá Arsenal, Dennis Bergkamp.
Henry og Bergkamp voru frábærir saman hjá Arsenal á sínum tíma og Henry vill meina að hann sé besti leikmaður sem hann hefur nokkurn tímann spilað með.
Henry og Bergkamp unnu ensku deildina tvsivar saman og FA- bikarinn þrisvar sinnum. Henry yfirgaf Arsenal svo árið 2007 og gekk til liðs við Barcelona.