Tveimur leikjum er nýlokið í Meistaradeild Evrópu. Um var að ræða leiki í þriðju umferð riðlakeppninnar.
Club Brugge 1-5 Man City
Manchester City burstaði Club Brugge. Leikið var í Belgíu.
Joao Cancelo kom Man City yfir á 30. mínútu. Það gerði hann eftir undirbúning Phil Foden. Riyad Mahrez bætti svo við mark fyrir gestina rétt fyrir leikhlé með marki úr vítaspyrnu.
Kyle Walker kom Man City í 0-3 á 53. mínútu eftir samspil við Kevin De Bruyne.
Hinn ungi Cole Palmer kom Englandsmeisturunum í 0-4 á 67. mínútu eftir flotta sendingu Raheem Sterling. Magnað augnablik fyrir þennan 19 ára strák.
Hans Vanaken minnkaði muninn fyrir Club Brugge á 81. mínútu. Mahrez gerði hins vegar sitt annað mark stuttu síðar. Lokatölur 1-5.
Man City er með 6 stig eftir tvo leiki í riðlinum. Club Brugge er með 4 stig.
Besiktas 1-4 Sporting
Sporting vann Besiktas 1-4. Sebastian Coates kom Sporting yfir á 15. mínútu áður en Cyle Larin jafnaði leikinn tæpum tíu mínútum síðar. Coates skoraði aftur á 27. mínútu. Pablo Sarabia átti líka eftir að bæta við marki úr vítaspyrnu undir lok fyrri hálfleiks.
Paulinho gerði svo eina mark seinni háflleiksins undir lok leiks.