Tveimur leikjum var að ljúka sænsku úrvalsdeild karla í fótbolta í kvöld.
Íslenski landsliðsmaðurinn Ari Freyr Skúlason lék allan leikinn fyrir Norrköping sem tapaði 5-0 gegn Hacken á útivelli. Patrik Walemark, Leo Bengtsson og Joona Toivio sáu um mörk heimamanna í leiknum auk þess sem Henrik Castegren, leikmaður Norrköping, skoraði sjálfsmark.
Óskar Sverrison kom inn á sem varamaður fyrir Hacken í lok leiks en Valgeir Friðriksson sat allan tímann á varamannabekknum. Norrköping er í 5. sæti með 39 stig. Hacken er í 8. sæti með 31 stig.
Hákon Rafn Valdimarsson hélt hreinu í marki Elfsborg sem vann góðan 3-0 útisigur á Djurgarden. Simon Olsson skoraði eina mark fyrri hálfleiks á 20. mínútu og Rasmus Alm bætti við tveimur mörkum í seinni hálfleik. Sveinn Aron kom af varamannabekknum í liði Elfsborg þegar að tvær mínútur voru eftir af venjulegum leiktíma.
Elfsborg er nú tveimur stigum á eftir toppliði Malmö, með 42 stig í 4. sæti þegar 7 umferðir eru eftir. Djurgarden er jafnt Malmö að stigum í 2. sæti.