fbpx
Laugardagur 16.janúar 2021
433Sport

Kemst ekki í liðið hjá Tottenham og er um leið einn launahæsti leikmaður Real Madrid

Aron Guðmundsson
Laugardaginn 9. janúar 2021 18:00

GettyImages

Ekki missa af Helstu tíðindum dagsins í pósthólfið þitt

Lesa nánar

Gareth Bale, hefur átt betri daga á sínum knattspyrnuferli. Eftir erfiða tíma hjá Real Madrid var hann sendur á láni til enska liðsins Tottenham fyrir tímabilið.

Hjá Tottenham hefur hann hins vegar lítið spilað. Meiðsli hafa verið að hrjá leikmanninn en að sama skapi er Tottenham liðið að spila nokkuð vel og erfitt er að sjá hvernig José Mourinho, knattspyrnustjóri liðsins, myndi koma Bale að í liðinu.

Bale hefur þess vegna þurft að sitja á varamannabekk liðsins þegar hann hefur verið heill heilsu. Flest tækifæri hans í byrjunarliði Tottenham hafa komið í enska deildarbikarnum eða Evrópudeildinni.

Leikmaðurinn er á ofursamning hjá Real Madrid, hann er launahæsti leikmaður liðsins og þénar rúmlega 650.000 pund á viku, það jafngildir rúmlega 113 milljónum íslenskra króna.

Lánssamningur Real Madrid við Tottenham gerir það að verkum að Tottenham greiðir helming launa Bale á meðan að hann er hjá liðinu, um það bil 325.000 pund á viku.

Þrátt fyrir að Tottenham greiði helming launa Bale, er Real Madrid samt sem áður að borga leikmanninum laun sem eru hærri en laun margra af stjörnum liðsins.

Til að mynda þénar fyrirliði liðsins, Sergio Ramos, 312.000 pund á viku, framherjinn Karim Benzema þénar 166.000 pund á viku.

Eini leikmaðurinn sem þénar meira en Gareth Bale, þó svo að Tottenham greiði helming launa hans, er Eden Hazard. Vikulaun hans hjá Real Madrid eru 400.000 pund á viku.

Forráðamenn Real Madrid vonuðu að Bale myndi finna taktinn hjá Tottenham, þar með yrðu líkurnar meiri á því að hann myndi yfirgefa félagið eftir lánssamninginn.

Nú eru þeir hins vegar dauðhræddir um að sitja uppi með Bale hjá Real Madrid á ofurlaunum.

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Pogba hatar að vera á bekknum hjá United – „Ég er sigurvegari“

Pogba hatar að vera á bekknum hjá United – „Ég er sigurvegari“
433Sport
Fyrir 14 klukkutímum

Úr fangelsi í tónlistina – Ronaldinho í faðmi léttklæddra kvenna vekur athygli

Úr fangelsi í tónlistina – Ronaldinho í faðmi léttklæddra kvenna vekur athygli
433Sport
Fyrir 17 klukkutímum

Tekjurnar miklu minni vegna veirunnar – Þessi félög töpuðu mest

Tekjurnar miklu minni vegna veirunnar – Þessi félög töpuðu mest
433Sport
Fyrir 17 klukkutímum

Staðfestir skilnað – Myndband af honum nöktum með ungri konu í umferð

Staðfestir skilnað – Myndband af honum nöktum með ungri konu í umferð
433Sport
Í gær

Stjórnmálamaður hjólar í heilalausa knattspyrnumenn – „Þetta er mjög slæmt“

Stjórnmálamaður hjólar í heilalausa knattspyrnumenn – „Þetta er mjög slæmt“
433Sport
Í gær

Jón Guðni Fjóluson hefur náð samkomulagi við Hammarby

Jón Guðni Fjóluson hefur náð samkomulagi við Hammarby