„Ég fékk tilboð sem ég gat ekki hafnað,“ segir Björn Bergmann Sigurðarson leikmaður Lilleström sem er að ganga aftur í raðir Molde í Noregi.

Björn lék með Molde á árum áður en hann hafnaði tilboði félagsins á mánudag en hefur fengið nýtt og betra tilboð. Molde hafnaði í öðru sæti í úrvalsdeildinni á síðustu leiktíð en Lilleström er á leið aftur í deild þeirra bestu.

„Þeir spurðu hvað þyrfti til að ég kæmi. Ég sagði hvað ég vildi og þeir sögðu já,“ segir Björn en Vísir.is vitnar í norska miðla.

Björn sem er 29 ára gamall segist eiga lítið eftir að ferlinum og að hann þurfi að hugsa um krónu og aura.

„Ég hef haft áhuga á að vera í Lilleström en ég á í mesta lagi 2-3 ár eftir af fótboltaferlinum og verð að hugsa líka um sjálfan mig. Þegar ég fæ tilboð sem færir mér meiri peninga þá er það eitthvað sem ég verð að skora, burtséð frá því hversu vel mér líður hér hjá félaginu.“

Björn lék fyrst með Molde árið 2014 og svo aftur frá 2016 til 2017 en þangað fór hann til Rússlands. Björn raðaði inn mörkum fyrir Molde og vill félagið fá hann aftur.