Jurgen Klopp stjóri Liverpool segist ekki ráða neina um það hvort félagið kaupi leikmenn nú í janúar eða ekki. Félaginu vantar sárlega inn varnarmann.

Klopp hefur þurft að treysta á þunnskipaða varnarlínu á þessari leiktíð eftir meiðsli Virgil van Dijk og Joe Gomez.

Fjárhagstaða félaga er kröpp vegna COVID-19, engir áhorfendur í tæpt ár er farið að taka í budduna hjá flestum.

„Ákvörðun um slíkt er ekki í mínum höndum,“ sagði Klopp um stöðuna á því hvort félagið myndi kaupa leikmenn.

Liverpool er í fyrsta sinn í lengri tíma að upplifa slæmt gengi, liðið hefur ekki skorað í síðustu leikjum. Liðið tapaði í fyrsta sinn á heimavelli í tæp fjögur ár í gær, þegar Burnley vann óvæntan sigur.

„Ef einhver telur að við þurfum að gera eitthvað, þá get ég ekki ákveðið slíkt. Hvort við förum inn á markaðinn eða ekki, það er ekki mitt að ákveða.“

Enski boltinn á 433 er í boði