Fulham tók á móti Manchester United í ensku úrvalsdeildinni í kvöld. Leikurinn endaði með 2-1 sigri Manchester United en leikið var á Craven Cottage, heimavelli Fulham.
Fulham komst yfir strax á 5. mínútu leiksins með marki frá Ademola Lookman sem skoraði eftir stoðsendingu frá André Zambo Anguissa.
Edinson Cavani, jafnaði leikinn fyrir Manchester United á 21. mínútu og stóðu leikar 1-1 í hálfleik.
Paul Pogba kom Manchester United yfir með marki á 65. mínútu sem reyndist sigurmark leiksins.
Manchester United komst með sigrinum aftur í toppsæti deildarinnar þar sem liðið situr með 40 stig eftir 19 leiki og tveggja stiga forskot á Manchester City í 2. sæti.
Fulham situr í 18. sæti deildarinnar með 12 stig.
Fulham 1 – 2 Manchester United
1-0 Ademola Lookman (‘5)
1-1 Edinson Cavani (’21)
1-2 Paul Pogba (’65)
