Á samfélagsmiðlinum YouTube, má finna fjöldan allan af rásum sem haldið er út af stuðningsmönnum knattspyrnuliða. Ein þekktasta rásin í þeim flokki er AFTV (Arsenal Fan TV), sem er haldið út af Robbie Lyle, stuðningsmanni Arsenal.
Samkvæmt samantekt American Gambler, þéna vinsælustu rásinar nokkuð vel af auglýsingatekjum einum og sér. Til að mynda nema auglýsingatekjur AFTV á ársgrundvelli, rúmlega 1,2 milljónum punda. Það jafngildir rúmlega 212,8 milljónum íslenskra króna.
Auglýsingatekjur AFTV eru mun hærri en auglýsingatekjur annarra sambærilegra rása. Til að mynda nema auglýsingatekjur The United Stand, sem er rás stuðningsmanna Manchester United, rúmlega 797.000 punda á ársgrundvelli.
Ástandið sem hefur skapast í heiminum vegna Covid-19 faraldursins hefur hjálpað rásum á borð við AFTV þar sem umfjöllun um leiki er nú ekki einungis bundin við viðtöl fyrir og eftir leik þar sem áhorfendur fá ekki að mæta á knattspyrnuvöllinn.