Peter Crouch, fyrrum framherji Liverpool sá um dráttinn í enska bikarnum í gær þegar dregið var í næstu tvær umferðir. Crouch sá til þess að hans gamla félag heldur í erfiðan útileik gegn Manchester United, liðin mætast í deildinni um næstu helgi og svo í bikarnum helgina þar á eftir.
Það sem gerir málið verra fyrir Crouch er að tengdafaðir hans er glerharður stuðningsmaður Liverpool.
„Faðir minn mun drepa þig Crouch, Manchester United vs Liverpool,“ skrifar Abbey Clancy, eiginkona Crouch á Twitter í léttum tón.
Crouch sló á létta strengi um málið. „Ég fer strax í aukaherbergið,“ skrifaði Crouch eftir dráttinn, vitandi að tengdapabbi hans hugsar honum þegjandi þörfina.
Crouch átti glæstan feril sem knattspyrnumaður en lagði skóna á hiluna síðasta sumar eftir stutta dvöl hjá Burnley. Hann lék einnig með Southampton, Aston Villa, Liverpool, Tottenham, QPR Portsmouth og Stoke.
Enski boltinn á 433 er í boði 
