Marten de Roon, leikmaður Atalanta á Ítalíu, er mikill húmoristi. Hann birti skemmtilegt myndband á Twitter í gær.
Á myndbandinu fór de Roon í aðdáendabúð Atalanta, þar sem seldar eru treyjur og varningur tengdur félaginu.
Hollendingurinn sagðist svo ætla að gefa þeim fyrstu þremur sem keyptu treyju með nafni hans eiginhandaráritun. Einnig ætlaði hann að borga fyrir treyjuna.
De Roon er ekki allra stærsta nafnið í boltanum og mætti enginn til að kaupa treyju með nafni hans aftan á, enda er ljóst að þetta var aðeins til gamans gert.
,,Ég þori að veðja á að Messi þarf ekki að glíma við þetta,“ skrifaði de Roon við myndbandið. Lionel Messi er auðvitað risastórt nafn í boltanum. Fólk yrði ekki lengi að láta sjá sig ef hann myndi bjóða upp á áritun og fría treyju.
Myndbandið skemmtilega má sjá hér fyrir neðan.
I bet Messi never has to deal with this. pic.twitter.com/W4uG6YPP1h
— Marten de Roon (@Dirono) September 23, 2021