Paul Pogba sér enn fyrir sér framtíð hjá Manchester United þrátt fyrir umræðuna undanfarið. Sky Sports greinir frá.
Hinn 28 ára gamli Pogba hefur verið mikið orðaður í burtu frá Man Utd undanfarið. Samningur hans rennur út næsta sumar og hefur hann ekki viljað skrifa undir nýjan.
Paris Saint-Germain hefur helst verið nefnt til sögunnar sem hugsanlegur áfangastaður.
En þrátt fyrir að liggja ekki á að skrifa undir nýjan samning þá útilokar miðjumaðurinn alls ekki framtíð í Manchester. Hann er jafnframt sagður spenntur fyrir stefnu félagsins í kjölfar þess að Jadon Sancho og Raphael Varane voru keyptir.
Það kemur einnig fram að ef Pogba fer í gegnum félagaskiptagluggann sem nú stendur yfir án þess að skrifa undir samning, þýði það ekki að hann muni ekki gera það á meðan næsta tímabili stendur.
Enski boltinn á 433 er í boði 
