Aron Einar Gunnarsson, fyrirliði Íslands í knattspyrnu og leikmaður Al-Arabi í Katar verður gestur í Mannamáli á Hringbraut á morgun klukkan 19:00 á morgun og endursýnt klukkan 21:00. Þessi merkilegi íþróttamaður ræðir þar lífið og tilveruna í skemmtilegu viðtal við Sigmund Ernir Rúnarsson.
Aron Einar ólst upp á Akureyri og uppljóstrar því í viðtalinu við Sigmund að hann ætli sér að snúa heim til að klára ferilinn sem knattspyrnu.
Aron er 32 ára gamall og því er ljóst að ekki eru mörg ár í að heimkoma Arons verði að veruleika. Aron lék ellefu leiki með meistaraflokki Þórs áður en að hann fór í atvinnumennsku, þá 17 ára gamall og hann ætlar að skrifa síðasta kaflann í söguna með Þór.
„Svæði Þórs er uppruninn og þar mun ég taka eitt tímabil í lokin, það er prinsipp fyrir mig. Þegar ég kem heim að taka eitt tímabil með Þór, sama í hvaða deild þeir verða,“ sagði Aron Einar en Þór er í dag í næst efstu deild karla.
Akureyri og Þór er Aroni Einari mikilvægt og sést það best í þeim húðflúrum sem hann hefur fengið sér í gegnum árin, þar á meðal er póstnúmerið sem hann bjó í þegar hann var yngri.
„Mér finnst það skylda mín, skila til baka og klára þar sem ég byrjaði. Það er mjög mikilvægt fyrir mig.“
Aron Einar hefur verið fyrirliði Íslands síðustu ár, hann ræðir lífið innan sem utan vallar í einlægu og skemmtilegu spjalli við Sigmund Erni á morgun, klukkan 19:00 á Hringbraut.