Jurgen Klopp stjóri Liverpool hefur eflaust fagnað því síðustu ár að hafa ekki landað sínu helstu skotmarki sumarið 2017.

Þá lagði Klopp mikla áherslu á það að Liverpool myndi kaupa Julian Brandt frá Bayer Leverkusen. Ekki tókst að semja um kaup og kjör.

Þegar það gekk ekki fór Liverpool að skoða aðra kosti og á endanum keypti félagið Mohamed Salah á 36 milljónir punda. Salah hefur frá þeim tíma verið einn besti leikmaður Liverpool.

Brandt var ekki í stóru hlutverki hjá Dortmund á síðustu leiktíð og hefur félagið nú áhuga á að selja hann.

Þýska félagið er byrjað að skoða kosti fyrir Brandt en félagið keypti hann frá Leveruksen árið 2019.

Brandt er 26 ára gamall kantmaður sem getur einnig leyst stöður á miðsvæðinu en Jurgen Klopp gæti stokkið til og ákveðið að styrkja Liverpool liðið.