Í kvöld tók Víkingur á móti Fylki í 6. umferð Pepsi-Max deildarinnar. Leiknum lauk með 2-2 jafntefli en mikill hiti var í leiknum undir lokin. Víkingar jöfnuðu á 81. mínútu og komust yfir fimm mínútum seinna. Fylkismenn voru ósáttir með seinna mark Víkinga og var Ólafur Ingi Stígsson, þjálfari Fylkis, brjálaður á hliðarlínunni.

Þetta var vegna þess að Dagur Dan fékk höfuðhögg stuttu áður og voru Fylkismenn því manni færri þegar markið kom. Þá voru þjálfarar Fylkis brjálaðir yfir því að Víkingar hafi ekki stoppað leikinn til þess að leyfa Fylki að gera skiptingu. Í staðinn héldu þeir áfram og skoruðu mark.

Þetta atvik var rætt í Stúkunni á Stöð 2 sport eftir leik og þá kom í ljós að Fylkir hafði haft nægan tíma til þess að setja boltann út af til þess að skipta Óskari Borgþórssyni inná:

„Þeir eru æfir yfir því að Víkingar settu boltann ekki út fyrir. En þeir fengu tækifæri til þess og hefðu getað sett boltann út af sjálfir,“ sagði Gummi Ben í Stúkunni á Stöð 2 sport.

„Þeir héldu boltanum sjálfir á þessum tíma, Djair reyndi að skora sjálfur og auðvitað gera Víkingar það sama og skora mark,“ bætti Reynir Leósson við í Stúkunni.