Í kvöld fóru fram 3 leikir í 6. umferð Pepsi-Max deildar karla. ÍA tók á móti Breiðablik, Valur sótti Keflavík heim og KA fór í Garðabæinn.
ÍA 2 – 3 Breiðablik
0-1 Gísli Eyjólfsson (´42)
1-1 Viktor Jónsson (´47)
1-2 Jason Daði Svanþórsson (´56)
1-3 Árni Vilhjálmsson (´78)
2-3 Steinar Þorsteinsson (´89)
Leikur ÍA og Breiðabliks var nokkuð opinn og skemmtilegur. Blikar voru meira með boltann og sóttu stíft. Gísli Eyjólfsson braut ísinn rétt fyrir hálfleik eftir stoðsendingu frá Kidda Steindórs.
Leikmenn ÍA komu grimmir út í seinni hálfleik og jöfnuðu strax með skallamarki frá Viktori Jónssyni eftir hornspyrnu. Blikar komust aftur yfir 10 mínútum seinna með marki frá Jasoni Daða eftir undirbúning Gísla Eyjólfs sem stal boltanum af Óttari. Árni Vill kom Blikum í 1-3 á 78. mínútu eftir stoðsendingu frá Jasoni Daða eftir hraða skyndisókn Blika. Steinar Þorsteinsson minnkaði muninn fyrir ÍA undir lok venjulegs leiktíma en meira var ekki skorað og sigur Blika staðreynd.
Blikar eru áfram í 5. sætinu með 10 stig og ÍA situr áfram í 9. sæti með 5 stig.
Keflavík 1 – 2 Valur
0-1 Rasmus Christiansen (´39)
0-2 Birkir Már Sævarsson (´52)
1-2 Joey Gibbs (´93)
Íslandsmeistararnir unnu 1-2 sigur á nýliðunum. Valsmenn voru meira með boltann í leiknum og biðu þolinmóðir eftir fyrsta markinu sem kom á 39. mínútu en það var Rasmus sem skoraði það eftir stoðsendingu frá Kristni Frey. Birkir Már tvöfaldaði forystu Valsmanna snemma í fyrri hálfleik eftir vandræðagang í vörn Keflavíkur. Gibbs skoraði sárabótamark fyrir Keflavík í lok uppbótartíma en það nægði ekki til og Valur fer með sigur.
Valur fer því á toppinn, að minnsta kosti tímabundið, með 16 stig. Keflavík er í 10. sæti með 3 stig.
Stjarnan 0 – 1 KA
0-1 Elfar Árni Aðalsteinsson (´82)
Stjörnumenn byrjuðu leikinn af krafti en smátt og smátt fór KA að taka yfir. Bæði lið spiluðu varfærnislega og voru þétt baka til. Elfar Árni braut ísinn fyrir KA-menn á 82. mínútu og reyndist það eina mark leiksins.
KA fer upp í 2. sætið með 13 stig en Stjarnan er áfram á botni deildarinnar með 2 stig.
