Plönin um Ofurdeildina féllu á þriðjudag þegar ensku klúbbarnir sex sögðu sig úr deildinni. Liðin hafa beðist afsökunar en stuðningsmenn liðanna eru flestir enn bálreiðir. Hér má sjá lista sem Mirror tók saman yfir kaup sem hvert félag gæti gert til að fá stuðningsmennina aftur á sitt band.
Manchester United – Jadon Sancho
Jadon Sancho hefur blómstrað hjá Dortmund síðastliðin ár og hefur lengi verið á óskalistanum hjá United. Það er spurning hvort að Glazer fjölskyldan leggi allt undir til að fá kappann til United svo stuðningsmenn fyrirgefi þeim?
Chelsea – Erling Haaland
Haaland hefur verið frábær síðan hann kom til Dortmund og hefur skorað 51 mark í 55 leikjum. Hann verður án efa einn heitasta bitinn á markaðnum í sumar og gæti Roman keypt Haaland til að fá stuðningsmenn á sitt band.
Arsenal – Martin Odegaard
Martin Odegaard var talinn efnilegasti leikmaður heims fyrir nokkrum árum og öll stærstu lið í heimi börðust um hann. Hann er nú í láni hjá Arsenal frá Real Madrid og hefur hann verið flottur í annars slöku liði Arsenal. Eigendur Arsenal gætu reynt að kaupa kappann til að friða stuðningsmenn.
Manchester City – Lionel Messi
Þrátt fyrir að Haaland og Mbappe séu eftirsóttustu leikmenn heims um þessar mundir er Messi enn sá besti. Hann hefur verið afar ósáttur við Barcelona undanfarið og sérstaklega við fyrrum forseta félagsins. Eigandi City gæti reynt að fá besta leikmann heims til að vinna stuðningsmenn aftur á sitt band.
Liverpool – Kylian Mbappe
Helstu vandamál Liverpool í ár hafa verið meiðsli í vörninni en sóknarleikurinn hefur einnig verið slakur. Mbappe hefur verið orðaður við Liverpool áður og gætu eigendur Liverpool reynt að krækja í þennan eftirsóknarverða leikmann í þeirri von að stuðningsmenn klúbbsins fyrirgefi.
Tottenham – Julian Nagelsmann
Það gleymist næstum því að Mourinho hafi fengið sparkið frá félaginu í vikunni vegna fréttanna um Ofurdeildina. Ryan Mason er nú tímabundinn stjóri liðsins en ljóst er að stuðningsmenn væru til í þennan unga og spennandi stjóra.
