Titilvörn Liverpool er sú slakasta í sögu ensku úrvalsdeildarinnar, ekkert lið í tæplega þrjátíu ára sögu deildarinnar hefur tekist jafn illa í að halda í við góðan árangur árið á undan.

Englandsmeistarar Liverpool tóku á móti Fulham í ensku úrvalsdeildinni í gær. Leikurinn endaði með 1-0 sigri Fulham en leikið var á Anfield, heimavelli Liverpool. Anfield hefur oftar en ekki reynst Liverpool vel. Völlurinn hefur verið algjört virki og erfitt fyrir andstæðinga Liverpool að ná sigri þar. Raunin hefur hins vegar verið önnur upp á síðkastið.

Tapið í dag gegn Fulham var sjötta tap Liverpool í röð á Anfield. Þetta er í fyrsta skipti síðan tímabilið 1953-54 sem Liverpool tapar sex leikjum í röð á heimavelli.

Eftir 28 leiki í fyrra var Liverpool með 79 stig, liðið hafði þá aðeins gert eitt jafntefli og tapað einum leik. Liðið hafði unnið 26 af fyrstu 28 leikjum tímabilsins.

Liverpool er með 36 stigum minna á sama tíma í ár, Leicester sem vann deildina árið 2016 átti erfitt með að halda í sinn góða árangur. Liðið var þó aðeins með 27 stigum minna eftir 28 umferðir, tímabilið á eftir.

Samantekt um stigamun á milli ára má sjá hér að neðan,