Liverpool tók á móti Chelsea í ensku úrvalsdeildinni í gær. Leikurinn endaði með 1-0 sigri Chelsea en leikið var á Anfield. Eina mark leiksins kom á 42. mínútu, það skoraði Mason Mount eftir stoðsendingu frá N’Golo Kanté. 1-0 sigur Chelsea staðreynd og um leið mikilvæg þrjú stig í pokann. Chelsea situr í 6. sæti deildarinnar með 44 stig.
Englandsmeistarar Liverpool sitja í 7. sæti með 43 stig og ljóst að félagið er í miklum vandræðum. Michael Owen fyrrum framherji félagsins heldur því fram að stjörnur liðsins, Mo Salah og Sadio Mane séu í stríði.
Þessa kenningu byggir Owen á því að Mane er hættur að fara niður í vítateig andstæðinganna. Hann telur að Mane sleppi því að fara niður vegna þess að Salah er vítaskytta liðsins.
„Ég trúði því ekki að hann hefði ekki farið niður, ég er ekki að mæla með því að hann fari niður samt,“ sagði Owen.
„Þetta var frábær snerting og hann taldi sig mögulega eiga séns á því að skora. Hann gerði þetta sama fyrir viku síðan gegn Sheffield United.“
Atvikið sem kom upp í gær kom upp snemma leiks en Mane fékk snertingu en hélt áfram. Atvikið er neðst í fréttinni.
„Ég er farin að velta því fyrir mér, þetta er eitthvað sem ég hef verið með í hausnum. Salah er vítaskytta liðsins og ef Mane á séns á því að skora þá gæti hann hugsað um það að skora, ef hann fer niður þá fær Salah tækifæri á að skora úr vítaspyrnu.“
„Þessir leikmenn hafa barist um gullskóinn síðustu ár. Þetta gæti verið samsæriskenning, en það er rosaleg samkeppni á milli hans og Salah. Við höfum séð þá sleppa því að senda á hvorn annan þegar annar þeirra er í miklu betri stöðu.“
„Við sjáum sjálfselsku í þessu. Ég hef séð Mane fara niður í þessari stöðu, að hann geri það ekki tvo leiki í röð fær mig til að hugsa.“
— James John (@JamesJohn2427) March 5, 2021
