Paul Pogba og Jadon Sancho vekja talsverða athygli í nýrri auglýsingu frá Pepsi, tveir af vinsælustu leikmönnum í heimi á meðal unga fólksins.
Pogba og Sancho eru báðir ansi markaðsvænir og ná vel til fólks í gegnum samfélagsmiðla sína.
Stuðningsmenn Manchester United eru margir hverjir að missa sig eftir auglýsinguna en Pogba deildi henni á samfélagsmiðlum. „Loksins erum við í sama liðinu,“ skrifaði Pogba til Sancho.
Sancho var ansi nálægt því að ganga í raðir Manchester United síðasta sumar og hefði hann þá spilað með Pogba, stuðningsmenn United vonast til þess að það gæti orðið að veruleika í sumar.
United vildi ekki borga 120 milljónir evra fyrir Sancho síðasta sumar en verðmiðinn á honum hefur lækkað. Stuðningsmenn United telja líkurnar sér í hag og þá sérstaklega vegna þess að Sancho fór að fylgja Pogba á Instagram í dag.
Auglýsinguna má sjá hér að neðan.
Finally on the same team @Sanchooo10 😉 – the @PepsiGlobal team! 🔎 Search #PepsiChallenge on TikTok and duet with us #ad pic.twitter.com/S6nO050n68
— Paul Pogba (@paulpogba) March 2, 2021
