Tottenham ætlar sér að ráða Julian Nagelsmann til starfa ef Jose Mourinho tekst ekki að snúa við hræðilegu gengi liðsins. Telegraph fjallar um málið.

Tottenham skoðar það alvarlega að reka Mourinho úr starfi og er hann líklegastur til að missa starf sitt á Englandi. Tottenham hefur tapað fimm af síðustu sex leikjum sínum.

Telegraph segir að Mourinho hafi 12 daga til að bjarga starfinu, þar mætir liðið Burnley, Fulham og Crystal Palace í ensku úrvalsdeildinni.

Nagelsmann er einn mest spennandi þjálfarinn í Evrópu en hann hefur gert góða hluti með RB Leipzig. Nagelsmann er 33 ára og var hann sterklega orðaður við Chelsea á dögunum.

Mourinho hefur stýrt Chelsea í tæpt eitt og hálft ár, eftir góða byrjun hefur honum mistekist að ná því besta fram úr öflugum leikmannahópi.

Enski boltinn á 433 er í boði