Leikmenn Tottenham hafa margir hvergir fengið ógeð af þeim aðferðum sem Jose Mourinho notar á æfingasvæði félagsins. Alltof mikil áhersla á varnarleik fer í taugarnar á leikmönnum félagsins.
Tottenham ætlar sér að ráða Julian Nagelsmann til starfa ef Jose Mourinho tekst ekki að snúa við hræðilegu gengi liðsins. Telegraph fjallar um málið.
Tottenham skoðar það alvarlega að reka Mourinho úr starfi og er hann líklegastur til að missa starf sitt á Englandi. Tottenham hefur tapað fimm af síðustu sex leikjum sínum.
Samkvæmt The Athletic er Mourinho byrjaður að tapa klefanum, þar segir að hluti hópsins hafi ekki lengur trú á aðferðum hans.
„Það hefur allt breyst, æfingarnar eru bara hugsaðar út frá varnarleik. Það er ekkert plan um að koma boltanum fram völlinn. Planið er verjast og sparka boltanum fram völlinn til Kane og Son. Það er planið,“ segir heimildarmaður Athletic.
Fram kemur að leikmenn Tottenham hafi fengið ógeð þegar þeir þurftu að æfa það í nokkra klukkutíma að verjast innköstum, fyrir leik gegn Liverpool á dögunum.
Leikmenn Tottenham höfðu á sínum tíma fengið nóg af miklu álagi undir stjórn Mauricio Pochettino en margir eru farnir að sakna hans í dag, þar var fyrst og síðast hugsað út í sóknarleikinn.