Jerome Boateng, leikmaður Bayern Munchen, hefur yfirgefið leikmannahóp Bayern Munchen sem er nú við keppni í Katar á Heimsmeistaramóti félagsliða.
Kasia Lenhardt, 25 ára fyrirsæta í Þýskalandi fannst látin í íbúð sinni í Berlín í gær. Samkvæmt lögreglunni á svæðinu liggur grunur á að um sjálfsmorð hafi verið að ræða. Vika er síðan að Lenhardt og Jerome Boateng leikmaður FC Bayern greindu frá skilnaði sínum.
„Jerome kom til mín og spurði hvort hann mætti halda heim á leið,“ greindi Hans Flick, knattspyrnustjóri Bayern Munchen frá.
Lenhardt er fædd í Póllandi en skilnaður þeirra var mikið í fréttum, hún hafði verið sökuð um að reyna að svíkja af honum fé. Kasia átti einn son úr fyrra sambandi en þessi 25 ára stúlka og Boateng höfðu verið saman í tæpa 15 mánuði þegar leiðir skildu.
