Sevilla og Barcelona mættust í fyrri leik viðureignar sinnar í undanúrslitum spænska bikarsins í kvöld. Leikurinn endaði með 2-0 sigri Sevilla en leikið var á heimavelli liðsins Ramón Sánchez Pizjuán.
Jules Koundé kom Sevilla yfir með marki á 25. mínútu.
Þannig stóðu leikar allt þar til á 85. mínútu þegar að Ivan Rakitic innsiglaði 2-0 sigur heimamanna með marki eftir stoðsendingu frá Óliver Torres.
Sevilla fer því með tveggja marka forystu inn í seinni leik liðanna sem verður spilaður á Nývangi, heimavelli Barcelona.
Sevilla 2 – 0 Barcelona
1-0 Jules Kounde (’25)
2-0 Ivan Rakitic (’85)
