Ef marka má frétt sem birtist á vef Daily Mail þá var Jurgen Klopp stjóri pirraður í janúar, hann var ósáttur með eigendur félagsins sem vildu ekki rífa upp heftið og kaupa varnarmann.

Að lokum fóru eigendur Liverpool út á akrinn og keyptu Ben Davies frá Preston og fengu Ozan Kabak á láni frá Schalke.

Samkvæmt fréttum í Englandi hafði Klopp hins vegar stærri hugmyndir og lagði áherslu á það að félagið myndi kaupa Kalidou Koulibaly frá Napoli.

Klopp vissi vel að hann þyrfti styrkingu í varnarleik sinn vegna meiðsla Virgil van Dijk, Joe Gomez og Joel Matip.

Samkvæmt fréttinni vildu FSG, eigendur Liverpool ekki taka upp stóra heftið og fór það í taugarnar á þýska stjóranum.