Draumurinn um að gerast atvinnumaður í knattspyrnu hefur átt hug margra krakka. Það getur reynst erfitt og krefst mikillar vinnu að komast í röð þeirra bestu.
Til eru dæmi um atvinnumenn í knattspyrnu á hæsta gæðastigi sem voru á sínum tíma boltasækjarar hjá virtum liðum. The Sun tók saman nokkur dæmi.
Phil Foden, leikmaður Manchester City var á hliðarlínunni sem krakki og hljóp á eftir boltum sem enduðu utan vallar. Um daginn deildi hann samsettri mynd þar sem annars vegar má sjá hann í bakgrunni sem boltasækir þegar að Stevan Jovetic, þáverandi framherji Manchester City fagnaði marki. Hins vegar má einnig sjá Foden fagna nýlegu marki gegn Liverpool í ensku úrvalsdeildinni.
How it started How it’s going pic.twitter.com/QUfHqjxuAP
— Phil Foden (@PhilFoden) February 7, 2021
Callum-Hudson-Odoi, leikmaður Chelsea var boltasækir hjá félaginu árið 2014 og fagnaði með þáverandi framherja liðsins, Samuel Eto’o er hann fagnaði þrennu sinni gegn Manchester United.
Donny Van De Beek, leikmaður Manchester United, skaust upp á stjörnuhimininn með Ajax. Hann ólst upp í gegnum akademíu félagsins og til þess að úrskrifast úr henni þarftu að eyða tíma sem boltasækir. Það er gert til þess að kenna leikmönnum ábyrgð. Að sama skapi fá ungu leikmennirnir að hitta stjörnur liðsins og það vékk Van De Beek að gera er hann hitti þáverandi framherja Ajax, Luis Suarez.
