Thomas Tuchel var í gær ráðinn stjóri Chelsea, hann tekur við af Frank Lampard og gerir 18 mánaða samning. Með möguleika á auka ári.
Ensk blöð fjalla um ráðningu hans í dag en þar kemur margt áhugavert fram. Masoun Mount, Reece James og Tammy Abraham verða áfram í lykilhlutverki hjá Chelsea.
Um er að ræða uppalda leikmenn sem Chelsea vill treysta á og Tuchel er sagður ætla að nota þá.
Ensk blöð segja að Chelsea muni leggja mikla áherslu á það að kaupa Erling Haaland í sumar, norski framherjinn hefur slegið í gegn með Dortmund.
Þá segir að Chelsea hafi ekki lengur neinn áhuga á Declan Rice, miðjumaður West Ham var efstur á óskalista Lampard. Það var eitt af þeim atriðum sem pirraði stjórn Chelsea, Lampard var ítrekað að biðja félagið að kaupa Rice.
Tuchel stýrir sínum fyrsta leik í kvöld gegn Wolves á heimavelli, liðið æfði í gær undir hans stjórn í fyrsta sinn.