Kolbeinn Sigþórsson hefur skrifað undir eins árs samning við IFK Gautaborg í sænsku úrvalsdeildinni. Hann gerir eins árs samning við félagið.
Kolbeinn rifti samningi sínum við AIK fyrir jól þegar ár var eftir af samningi hans.
„Ég hef alltaf vitað af Gautaborg og er spenntur fyrir því að vera hérna núna. Ég vonast til að koma inn með jákvæða orku og gæði sem hjálpa liðinu,“ sagði Kolbeinn.
Kolbeinn er mættur til æfinga hjá Gautaborg og þjálfari liðsins er spenntur fyrir komu hans. „Ég sé Kolbein sem sterkan framherja sem er klár í að hlaupa, hann leggur mikið á sig og er góður að tengja spil út um allan völl. Hann vill vera inn í teignum og elskar að skora mörk,“ sagði Roland Nilsson þjálfari liðsins.
Framherjinn knái hafði fyrir dvöl sína hjá AIK lítið sem ekkert spilað fótbolta í tæp þrjú ár, eftir Evrópumótið í Frakklandi árið 2016 glímdi Kolbeinn við mikið af meiðslum. Hann var síðan settur í frystikistuna hjá Nantes í Frakklandi og fékk ekkert að spila.
Hjá AIK tókst honum ekki að finna sitt besta form, framherjinn sem er alltaf líklegur til þess að skora fyrir íslenska landsliðið átti í vandræðum með að skora hjá AIK. Kolbeinn er þrítugur að aldri og er markahæsti leikmaður í sögu íslenska landsliðsins ásamt Eiði Smára Guðjohnsen.
Kolbeinn mun klæðast treyju númer 11 hjá félaginu.
🇮🇸| Velkominn!
| #ifkgbg pic.twitter.com/2VFrae2K1x
— IFK Göteborg (@IFKGoteborg) January 27, 2021