Chris Wilder, knattspyrnustjóri Sheffield United var að vonum sáttur eftir að hans menn tryggðu sér sinn fyrsta sigur í ensku úrvalsdeildinni á tímabilinu með 1-0 sigri gegn Newcastle United.
Wilder hafði engan tíma til þess að fara í viðtal eftir leik, hann vildi komast heim til konunnar sinnar. Hann sló á létta strengi í viðtalinu og rak á eftir blaðamanninum sem tók viðtalið.
„Flýttu þér Pat, ég vil komast heim til konunnar minnar,“ sagði Chris Wilder óþreygjufullur.
🗣“Hurry up Pat, because I want to get home, get home to my wife“ 🤣
Sheffield United boss Chris Wilder trying to hurry up @skysports_PatD‘s post match interview to get home! @SheffieldUnited pic.twitter.com/53tsOfuBZg
— Football Daily (@footballdaily) January 12, 2021
Fyrsta og eina mark leiksins kom á 72. mínútu. Dæmd var hendi, innan teigs, á Federico Fernandez, varnarmann Newcastle og þar með vítaspyrna fyrir Sheffield. Billy Sharp, tók spyrnuna og skoraði af öryggi framhjá Karl Darlow í marki Newcastle.
Fleiri mörk voru ekki skoruð í leiknum og fyrsti sigur Sheffield United í ensku úrvalsdeildinni á þessu tímabili, staðreynd. Liðið er í neðsta sæti deildarinnar með 5 stig.
Enski boltinn á 433 er í boði 
