Brotist var inn í geymslu sem Kórdrengir besta lið 2 deildar karla hefur yfir að ráða í vikunni. Talsverðum verðmætum var stolið úr geymslunni.
Allt stefnir í að Kórdrengir fari upp í ár en um væri að ræða magnað afrek, liðið hefur þá farið upp um þrjár deildir á þremur árum.
„Aldrei fær neitt að vera í friði!!!! Aðfaranótt þriðjudagsins var brotist inn í hvítu gámana við völlinn í Safamýri,“ er skrifað á Facebook síðu Kórdrengja.
Miklum verðmætum var stolið úr geymslunni en þar á meðal búnaður sem notaður er á leikdegi. „Þaðan var stolið búnaði sem við notum þegar leikir eru á vellinum þ.e. hátölurum og mixer ásamt snúrum. Málið hefur verið kært til lögreglu og ef einhverjir hafa upplýsingar um það þá skal hafa samband við lögregluna. Eins skorum við á þann sem tók dótið að skila því í Framheimilið við Safamýri.“
Aldrei fær neitt að vera í friði!!!! Aðfaranótt þriðjudagsins var brotist inn í hvítu gámana við völlinn í Safamýri….
Posted by Kórdrengir on Tuesday, 29 September 2020