Luis Suarez er á barmi þess að ganga í raðir Atletico Madrid en félagið náði samkomulagi um kaupverð við Barcelona í gær.
Suarez mætti á æfingasvæði Barcelona í dag til að kveðja ef marka má spænska miðla. Hann fór svo aftur heim og samkvæmt spænskum miðlum var hann með tár í augum.
Suarez hefur verið í herbúðum Barcelona í sex ár en þessi 33 ára framherji er einn af þeim sem Barcelona vill losna við.
Barcelona er að losa leikmenn til að hafa efni á nýjum en félagið hefur farið illa úr faraldri kórónuveirunnar.
Suarez ætlaði fyrst um sinn að ganga í raðir Juventus en tókst ekki að verða sér út um ítalskt vegabréf eins og vonir stóðu til um.
Luis Suarez looked visibly upset when leaving Barcelona’s training ground 💔
(via @ElGolazoDeGol)pic.twitter.com/3PtQLwKkpJ
— ESPN FC (@ESPNFC) September 23, 2020