Rúnar Alex Rúnarsson er sjötti Íslendingurinn sem er í herbúðum Arsenal en gengi Íslendinga hefur verið ævi misjafnt í herbúðum stórliðsins.

Rúnar hefur skrifað undir samning við félagið sem borgar um 260 milljónir fyrir að fá Rúnar frá Dijon í Frakklandi.

Félagaskiptin hafa legið í loftinu síðustu daga en Rúnar kom til Lundúna um helgina til þess að ganga frá öllu. Fyrsti leikur hans gæti komið í vikunni þegar Arsenal mætir Leicester í enska deildarbikarnum

Rúnar flaug í gegnum læknisskoðun fyrir helgi og nú er búið að klára allt, Rúnar ætti því að vera kynntur til leiks á eftir. Rúnar er 25 ára gamall en Árið 2014 fór Rúnar til danska liðsins Nordsjælland frá KR en þá var hann aðeins 18 ára gamall. Árið 2018 fór Rúnar frá danska liðinu og yfir til Frakklands í Dijon.

Rúnar Alex á að baki fimm A-landsleiki en Arsenal kaupir hann til að fylla skarð Emiliano Martinez sem var seldur fyrir helgi.

Arsenal er eitt af stórveldum enska fótboltans og skrefið fyrir Rúnar því ansi stórt og mikil viðurkenning fyrir hann.

1944 – Albert Guðmundsson
Albert Guðmundsson var fyrsti atvinnumaður Íslands en þá gekk hann í raðir Rangers árið 1994, þetta sama ár gekk hann í raðir Arsenal og var þar í tvö ár. Erfitt var fyrir erlenda leikmenn að komast að á þessum tíma en Albert lék tvo leiki með aðalliði Arsenal svo vitað sé um auk fjölda æfingaleikja.

1989 – Sigurður Jónsson
Siggi Jóns átti flottan feril á Englandi. Eftir flotta frammistöðu með Sheffield Wednesday gekk Sigurður í raðir Arsenal árið 1989. Sigurður var hjá Arsenal í tvö ár en var gríðarlega mikið meiddur og lék aðeins tíu leiki með aðalliðinu. Stuðningsmenn Arsenal hafa alltaf talað vel um Sigurð.

1996 – Valur og Stefán Gíslasynir:
Valur Fannar Gíslason skrifaði undir hjá Arsenal árið 1996 og fluttist út til Lundúna ásamt unnustu sinni og bróður sínum Stefáni. Skömmu síðar gekk Stefán einnig í raðir Arsenal en Valur var 19 ára á þessum tíma en Stefán 16 ára gamall. Hvorugur lék með aðalliði Arsenal en Valur Fannar var lánaður til Brighton og lék þar sjö leiki. Þeir bræður héldu áfram að ferðast um heiminn og gengu í raðir Strømsgodset í Noregi

2001 Ólafur Ingi Skúlason
18 ára gamall gekk Ólafur Ingi Skúlason í raðir þessa enska stórliðs og var þar í fjögur ár. Ólafur gerði vel með varaliði félagsins og kom við sögu í enska deildarbikarnum. Honum tókst ekki að spila með aðalliði félagsins og árið 2005 þá fór hann til Brentford.

Enski boltinn á 433 er í boði