Leiknir R. vann Magna en Sævar Magnússon skoraði eina mark leiksins úr víti á 40. mínútu. Leiknir R. komst með sigrinum upp á toppinn í deildinni en Fram situr í öðru sæti með jafnmörg stig en á þó leik til góða. Magni situr enn í neðsta sæti deildarinnar með aðeins 9 stig.
Þá er útlitið mun svartara hjá hinu Leiknisliðinu, því sem kennt er við Fáskrúðsfjörð. Leiknir F. tapaði leik sínum gegn Vestra í dag en leikurinn endaði 2-0. Ignacio Gil Echevarria kom Vestra snemma yfir í leiknum og Viktor Júlíusson skoraði hitt markið þegar rúmur klukkutími var liðinn af leiknum. Leiknir F. situr í næst neðsta sæti með 12 stig. Þróttur R.er með jafn mörg stig en þó aðeins betri markatölu í sætinu fyrir ofan en Þróttarar eiga leik til góða.