Tottenham er á barmi þess að fá Gareth Bale og Sergio Reguilon frá Real Madrid en fjöldi erlendra miðla fjallar um málið. Báðir hafa verið á óskalista Manchester United. United hefur síðustu daga rætt við Real Madrid um kaup á vinstri bakverðinum Reguilon. United vildi hins vegar ekki setja klásúlu um að Real Madrid gæti keypt hann til baka.
Tottenham gekk að þeim kröfum Real Madrid og er Reguilon því að ganga í raðir Tottenham eftir vel heppnaða dvöl hjá Sevilla á síðustu leiktíð. Tottenham er svo á barmi þess að fá Gareth Bale á láni, Real Madrid vill losna við hann af launaskrá. Talið er að það kosti Tottenham 20 milljónir punda að fá hann á láni í eitt ár.
Bale fær helming launa sinna frá Tottenham og helminginn frá Real Madrid. Hluturinn sem Tottenham greiðir gerir hann samt sem áður að launahæsta leikmanni Tottenham.
Fyrir var Kane launahæstur með 200 þúsund pund á mánuði en Bale fer nú yfir hann og það þrátt fyrir að Spurs borgi bara helming launa hans.
Launahæstu leikmenn Tottenham:
Bale £500,000 (Real Madrid borgar 50 prósent)
Kane £200,000
Ndombele £160,000
Son £140,000
Alli £100,000
Lloris £100,000