Manchester United er að gefast upp á því að reyna að fá Jadon Sancho kantmann Borussia Dortmund. Telegraph segir frá.
Þar kemur fram að United sé að verða tilbúið að gefast upp og leita annað ef ekkert þokast í viðræðum við Dortmund.
United hefur náð samkomulagi Sancho og umboðsmann hans en 108 milljóna punda verðmiði Dortmund hefur sett strik í reikninginn.
Telegraph segir að United skoði nú aðra kosti og eru þar nefndir Gareth Bale, Douglas Costa og Ivan Perisic.
Bale fæst á góðu verði en Real Madrid þráir það að losna við Bale af launaskrá sinni sem fyrst.