Juventus er búið að reka þjálfara sinn, Maurizio Sarri, daginn eftir að liðið féll úr Meistaradeildinni. SkySports á Ítalíu greinir frá þessu.

Juventus keppti við Lyon í 16-liða úrslitum Meistaradeildarinnar í gær en liðið hafði tapað fyrri leiknum. Juventus vann seinni leikinn en Lyon komst áfram á útivallarmarki. Stjórn Juventus hefur eflaust ekki verið ánægt með það að liðið detti út í 16-liða úrslitunum.

Sarri tók við Juventus í fyrra en hann hefur áður þjálfað bæði Chelsea og Napoli. Samningurinn var til þriggja ára og virtist sem Sarri myndi halda starfinu þegar hann stýrði liðinu til sigurs í efstu deild Ítalíu fyrir skömmu. Árangurinn í Meistaradeildinni var greinilega mikilvægari fyrir stjórn liðsins sem þarf nú að finna nýjan þjálfara.