„Heildarvelta: 297.991.000 ISK!“ segir í tísti sem Coolbet birti í gær. Þar kemur einnig fram hversu mikil veltan hefur verið í hverri deild fyrir sig á Íslandi. Vinsælasta deildin er Pepsi Max-deild karla en veltan þar var tæplega 87 milljónir króna.
Athyglisvert er að næsta deild á eftir er fjórða deildin en þar var veltan rúmlega 54 milljónir króna. Ljóst er því að vel er fylgst með fjórðu deildinni af veðmálasérfræðingum.
Því næst er önnur deild karla en þar var veltan rúmar 26 milljónir króna. Lengjudeild karla fylgir síðan fast á eftir með veltu upp á rúmar 24 milljónir og því næst kemur Pepsi Max-deild kvenna en þar var veltan tæpar 22 milljónir. Þriðja deild karla er einnig með tæpar 22 milljónir.
Mjólkurbikar karla velti tæpum 28 milljónum á veðmálasíðunni en Mjólkurbikar kvenna velti tæpum 7 milljónum. Þá voru tæpar 30 milljónir í öðrum íslenskum leikjum.