Adam Örn Arnarsson, leikmaður Tromso, sendi út pillu á Twitter-síðu sína í gær eftir leik Breiðabliks og KA.
Dómararnir í úrvalsdeild karla hafa fengið gagnrýni undanfarið og sérstaklega eftir leik KR og Víkings R. um helgina.
Þar fengu þrír Víkingar rautt spjald en Helgi Mikael dómari virtist ekki alveg vera með hlutina á hreinu.
Í gær voru einnig umdeildir dómar í boði þegar tvær vítaspyrnur voru dæmdar í uppbótartíma í 2-2 jafntefli KA og Blika.
Þann 21. júní gaf Adam út færslu þar sem hann gagnrýnir dómgæsluna og á erfitt með að horfa á efstu deild hér heima.
Í gær bætti Adam svo við: ,,Alltaf jafn gott þegar dómararnir heima dæma á eitthvað og maður sér strax að þeir vita nánast ekki sjálfir hvað þeir voru að dæma á.“
Þetta má sjá hér.
Get varla horft á Pepsí lengur. Smá standard á dómgæslu takk.
— Adam Arnarson (@AdamOrn2) June 21, 2020
Alltaf jafn gott þegar dómararnir heima dæma á eitthvað og maður sér strax að þeir vita nánast ekki sjálfir hvað þeir voru að dæma á.
— Adam Arnarson (@AdamOrn2) July 5, 2020