Þar sem samkomubann er enn í gildi á Englandi þarf Liverpool að lyfta fyrsta deildarbikarnum í 30 ár fyrir tómum velli. Þá mun Liverpool goðsögnin Kenny Daglish rétta fyrirliða Liverpool, Jordan Henderson, bikarinn. Liverpool er ekkert að spara þegar kemur að verðlaunaafhendinunni en í myndbandi sem birt var á samfélagsmiðlum í dag má sjá ljósasýningu sem gerð var fyrir afhendinguna. Samkvæmt DailyMail kosta ljósin milljón pund eða um 176 milljón krónur.
Tomorrow 😍 pic.twitter.com/dV1vFjopAU
— Roopa (@LFC_RV) July 21, 2020
Klopp hvetur stuðningsmenn Liverpool til að halda sér heima en búist er við að mikill fjöldi stuðningsmanna leggi sér leið út á götur borgarinnar í kringum verðlaunaafhendinguna. Þegar ljóst var að Liverpool væru sigurvegarar deildarinnar brutust út mikil fagnaðarlæti í borginni þrátt fyrir reglur um samkomubann.
Eins og áður segir þá líkti Klopp biðinni eftir bikarnum við jólin. „Við erum búnir að vera sigurvegarar í um mánuð núna. Þetta er smá eins og jólin, þú veist að þú ert að fá ákveðna gjöf en maður er samt spenntur. Þetta verður sérstakt. Ég er svo sannarlega ánægður að strákarnir fái þetta augnablik, þeir eiga það svo skilið.“