Stephen Warnock, fyrrum leikmaður Liverpool, vill sjá Jurgen Klopp reyna við Pierre Emerick Aubameyang í sumar.
Aubameyang er á mála hjá Arsenal í dag en hann og Klopp unnu saman hjá Borussia Dortmund.
Samningur leikmannsins rennur út á næsta ári og vill Warnock sjá Klopp reyna að fá hann til Liverpool.
,,Ef ég væri Jurgen Klopp þá myndi ég reyna við hann, hann á bara ár eftir af samningnum,“ sagði Warnock.
,,Þú vilt markaskorara sem annað hvort kemur inn af bekknum eða getur spilað reglulega.“
,,Hann mun veita þessum fremstu þremur samkeppni og þarf ekki tíma til að aðlagast. Hann hefur sannað sig og þekkir stjórann og öfugt.“