Serge Aurier, leikmaður Tottenham, varð fyrir gríðarlegu áfalli í dag en bróðir hans er látinn.
Frá þessu er greint í dag en Christopher Aurier, bróðir Serge, var skotinn fyrir utan næturklúbb í Frakklandi.
Christopher var aðeins 26 ára gamall en hann var skotinn í magann og var í kjölfarið fluttur á sjúkrahús þar sem hann lést.
Árásarmaðurinn var ekki lengi að flýja vettvang en atvikið átti sér stað í borginni Toulouse. Lögreglan leitar nú mannsins.
Aurier spilaði með Tottenham síðast í gærkvöldi er liðið vann 2-1 sigur á Arsenal.