Carlo Ancelotti, stjóri Everton, var hundfúll í gær eftir frammistöðu liðsins gegn Wolves í úrvalsdeildinni.
Gylfi Þór Sigurðsson lék allan leikinn með Everton en liðið tapaði að lokum sannfærandi 3-0 á Molineux.
,,Ég vil ekki heyra neinar afsakanir. Frammistaðan var ekki ásættanleg. Ég hef rætt við leikmennina og sagt þeim það,“ sagði Ancelotti.
,,Þetta var mjög pirrandi dagur og frammistaðan var pirrandi. Liðið sýndi engan liðsanda.“
,,Andinn í liðinu var óásættanlegur. Við þurfum að sýna öðruvísi viðhorf í síðustu þremur leikjunum.“