Jose Mourinho ætlar ekki að horfa á heimildarmyndina um Tottenham sem kemur út seinna á þessu ári.

Mourinho verður hluti af þessari mynd en hann tók við af Mauricio Pochettino fyrr á tímabilinu.

Í myndinni er skoðað allt á bakvið tjöldin hjá Tottenham og vill Mourinho ekki sjá það sem átti sér stað.

,,Ég reyni að gleyma því sem átti sér stað. Ef þú spyrð mig hvort þetta sé eitthvað sem ég hef gaman að er svarið nei,“ sagði Mourinho.

,,Mér líkar ekki við tilfinninguna að vera í ‘Big Brother.’ Ég reyni að gleyma því og held að það hafi tekist.“

,,Ég hef enga hugmynd um hvað verður í myndinni. Ég hef engar áhyggjur. Þetta er allt það sem gerðist.“

,,Það var enginn sem lék í þessari mynd. Þetta er eins og þetta er. Mun ég horfa á myndina? Nei, það geri ég ekki.“

Enski boltinn á 433 er í boði