Odion Ighalo framherji Manchester United hefur framlengt samning sinn við félagið og verður á láni fram í janúar. Ighalo átti að halda tli Kína í dag en samkomulag er nú í höfn.
Ighalo kom til United á láni frá Shanghai Shenuha í janúar og kom inn með miklum ágætum.
Ighalo er frá Nígeríu en hann getur nú klárað tímabilið með United og byrjað það næsta en draumur hans hefur alla tíð verið að spila með Manchester United.
Ighalo lék áður á Englandi með Watford en Ole Gunnar Solskjær sótti hann til að fylla í skarð Marcus Rashford sem var meiddur.
United þarf að reiða fram 6 milljónir punda til Shanghai til að halda Ighalo og borga honum 130 þúsund pund á viku en kínverska félagið borgar 170 þúsund pund á viku til Ighalo. Framherjinn mun því í heildina kosta United 10,5 milljónir punda eða um 1,8 milljarð íslenskra króna.
Enski boltinn á 433 er í boði 
