Eitt frægasta atvikið úr herbúðum Manchester United átti sér stað árið 2003 þegar liðið hafði tapaað gegn Arsenal í enska bikarnum. Sir Alex Ferguson þá stjóri félagsins var allt annað en sáttur.

Ferguson las yfir leikmönnum sínum og endaði á því að sparka í skó, skórinn endaði í andliti David Beckham sem fékk nokkuð stórt sár rétt fyrir ofan augað.

Það sauð allt upp úr eftir þetta og Mikae Silvestre sem var í klefanum segir frá í nýjasta blaði 442. „Ég var þarna, það voru allir í áfalli en svona hlutir gerast í búningsklefa. Stjórinn sparkaði í skóinn og það var bara óheppni að hann hafi endað í andliti Beckham,“ sagði Silvestra.

Beckham var brjálaður og það þurfti að stoppa þá félaga svo höggin færu ekki að fljúga. „Beckham varð brjálaður, við urðum að stoppa hann svo þetta færi ekki lengra. Það tókst að róa hann.“

„Þetta hafði áhrif á samband þeirra og var ein af ástæðum þess að Beckham var seldur til Real Madrid um sumarið.“

Enski boltinn á 433 er í boði