Atletico Madrid hefur endurgreitt 290 stuðningsmönnum sem treystu sér ekki til að ferðast á leik liðsins gegn Liverpool, vegna COVID-19 veirunnar.
Leikurinn er sá síðasti sem fram fór á Englandi áður en allt var sett í frost, vegna veirunnar.
Veiran var þá byrjuð að láta til sín taka í Madríd, fjöldi stuðningsmanna Atletico treystu sér ekki í ferðalag vegna þess.
AS á Spáni segir að fyrst hafi Atletico leitað til Liverpool um endurgreiðslu, enska félagið hafi hins vegar hafnað því að endurgreiða.
Kórónuveiran hefur nú mikil áhrif á Englandi og fjöldi smita í Liverpool hefur hækkað hratt, þessi leikur er sagður sökudólgur í þeim efnum.
Atletico hefur endurgreitt þessum stuðningsmönnum 15 þúsund pund, tæpar tvær milljónir króna.
